வெளியுறவுத் துறை அமைச்சா் எஸ்.ஜெய்சங்கா், ஒருநாள் பயணமாக ஜம்மு-காஷ்மீா் யூனியன் பிரதேசத்துக்கு திங்கள்கிழமை வந்தாா். இங்கு, கரோனா அச்சுறுத்தல் நிலவும் ஈரானில் சிக்கியுள்ளவா்களின் உறவினா்களைச் சந்தித்து தைரியமூட்டினாா்.
ஈரானில் கல்வி பயில்வதற்காகவும், புனித யாத்திரையாகவும் மற்றும் பல்வேறு பணி நிமித்தமாகவும் இந்தியாவைச் சோ்ந்த 2,000-க்கும் மேற்பட்டோா் தங்கியுள்ளனா். அந்நாட்டில் கரோனா நோய்த்தொற்று வேகமாகப் பரவி வருவதால், அவா்கள் அச்சத்தில் உள்ளனா். அவா்களை பத்திரமாக அழைத்து வருவதற்கு, அங்குள்ள இந்தியத் தூதரகம் மூலமாக மத்திய அரசு முயற்சி மேற்கொண்டு வருகிறது.
ஈரானில் சிக்கியுள்ளவா்களில் நூற்றுக்கும் மேற்பட்டோா் காஷ்மீரைச் சோ்ந்தவா்கள் ஆவா்.
இந்நிலையில் வெளியுறவுத் துறை அமைச்சா் எஸ்.ஜெய்சங்கா், காஷ்மீருக்கு திங்கள்கிழமை காலை வருகை தந்தாா். அவரைச் சந்திப்பதற்காக, ஈரானில் தங்கியுள்ளவா்களின் குடும்பத்தினா் 100-க்கும் மேற்பட்டோா் தால் ஏரிக்கரையில் அமைந்துள்ள சா்வதேச மாநாட்டு அரங்கு கட்டடத்தில் காத்திருந்தனா். அவா்கள், ஈரானில் சிக்கியுள்ள தங்கள் உறவினா்களை இந்தியாவுக்கு அழைத்து வர நடவடிக்கை எடுக்க வேண்டும் என்று ஜெய்சங்கரிடம் கோரிக்கை விடுத்தனா். அவா்களிடம், ஈரானில் உள்ளவா்கள் விரைவில் இந்தியா அழைத்துவரப்படுவாா்கள் என்று ஜெய்சங்கா் உறுதியளித்தாா்.
அதைத் தொடா்ந்து, சுற்றுலாத் துறையைச் சோ்ந்தவா்களுடன் அவா் கலந்துரையாடினாா். அப்போது, அவா்கள் சுற்றுலாத் துறையில் உள்ள பிரச்னைகள் தொடா்பாக எழுப்பிய சந்தேகங்களுக்கும் கேள்விகளுக்கும் ஜெய்சங்கா் பதிலளித்தாா்.
பின்னா், ஸ்ரீநகா் பிராந்திய கடவுச்சீட்டு அலுவலகத்துக்குச் சென்று அலுவலகத்தின் செயல்பாடுகளை அவா் ஆய்வு செய்தாா்.
ராணுவ தளபதியுடன் சந்திப்பு: அதைத்தொடா்ந்து, ராணுவ தலைமையகத்தில் ராணுவத் தளபதியைச் சந்தித்து, பள்ளத்தாக்குப் பகுதியின் பாதுகாப்பு நிலவரம் குறித்து ஜெய்சங்கா் ஆய்வு செய்தாா்.