ராமேஸ்வரத்திற்கும் இலங்கைக்கும் இடையே அமைந்துள்ள ராம சேது இயற்கையானதா அல்லது மனிதனால் உருவாக்கப்பட்ட பாலமா என்பது பற்றிய விவாதம் பல ஆண்டுகளாக நடந்து வருகிறது. தற்போது, தொல்லியல் தொடர்பான மத்திய ஆலோசனைக் குழு, இந்த ராம சேது எவ்வாறு, எப்போது உருவாக்கப்பட்டது என்பதை அறிய, நீருக்கடியில் ஆய்வு செய்யும் திட்டத்திற்கு ஒப்புதல் அளித்துள்ளது. இந்த ஆராய்ச்சி இந்த ஆண்டே துவங்கப்படும். அறிவியல் தொழில்துறை ஆராய்ச்சி கவுன்சிலும் (சி.எஸ்.ஐ.ஆர்), தேசிய கடல்சார் நிறுவனமும் (என்.ஐ.ஓ) இந்த ஆராய்ச்சியை நடத்தும். ராம் சேது உருவாவதற்கு காரணம், செயல்முறை, ராம்சேதுவைச் சுற்றி நீரில் மூழ்கிய வாழ்விடங்கள் உள்ளதா என்பதையும் இக்குழு ஆராயும். ராமர் பாலத்தின் வரலாற்று உண்மைத்தன்மையை தி.மு.க காங்கிரஸ் கூட்டணியினர் நம்பவில்லை. எனவே ஹிந்துக்களின் நம்பிக்கையை சீர்குலைக்கும் வகையில் அவர்கள் சேதுசமுத்திரம் கப்பல் கால்வாய் திட்டத்தை துவக்கினர் என்பது குறிப்பிடத்தக்கது.