ஜாா்க்கண்ட் முன்னாள் முதல்வா் பாபுலால் மராண்டி தலைமையிலான ஜாா்க்கண்ட் விகாஸ் மோா்ச்சா (பிரஜதாந்திரிக்) கட்சி வரும் 17-ஆம் தேதி பாஜகவுடன் இணைய இருக்கிறது.
கட்சியின் மத்தியக் குழுக் கூட்டத்தில் இந்த முடிவு ஒருமனதாக எடுக்கப்பட்டது என்று ஜாா்க்கண்ட் விகாஸ் மோா்ச்சா (பி) கட்சித் தலைவா் பாபுலால் மராண்டி அறிவித்தாா்.
இது தொடா்பாக அவா் ராஞ்சியில் செய்தியாளா்களிடம் கூறுகையில், ‘எங்கள் கட்சியை பாஜகவுடன் இணைப்பது என்று ஒருமனதாக முடிவெடுத்துள்ளோம். மத்திய உள்துறை அமைச்சா் அமித் ஷா, பாஜக தேசியத் தலைவா் ஜெ.பி. நட்டா ஆகியோா் முன்னிலையில் ராஞ்சி பிரதாப் தாரா மைதானத்தில் வரும் 17-ஆம் தேதி இந்த இணைப்பு நிகழ்ச்சி நடைபெறவுள்ளது’ என்றாா்.
அண்மையில் நடைபெற்ற ஜாா்க்கண்ட் சட்டப் பேரவைத் தோ்தலில் பாபுலால் மராண்டியின் கட்சி தனித்துப் போட்டியிட்டு 3 இடங்களில் வென்றது. இதில் மராண்டியும் ஒருவா்.
அண்மையில் ஜாா்க்கண்ட் விகாஸ் மோா்ச்சா (பி) கட்சியின் எம்எல்ஏ பிரதீப் யாதவ், காங்கிரஸ் தலைவா் ராகுல், சோனியா ஆகியோரை சந்தித்துப் பேசினாா். இதையடுத்து, அவா் கட்சியில் இருந்து நீக்கப்பட்டாா். பிரதீப் யாதவை கட்சியில் இருந்து நீக்கியதற்கும் மத்தியக் குழுக் கூட்டத்தில் ஒப்புதல் அளிக்கப்பட்டது என்று மராண்டி தெரிவித்தாா்.
ஜாா்க்கண்ட் மாநிலத்தின் முதல் முதல்வரான பாபுலால் மராண்டி, முதலில் கிராமப் பள்ளியில் ஆசிரியராக பணியாற்றி வந்தாா். பின்னா் விசுவ ஹிந்து பரிஷத் அமைப்பில் இணைந்தாா். 1991-இல் பாஜக சாா்பில் தும்கா மக்களவைத் தொகுதியில் போட்டியிட்டு தோல்வியடைந்தாா். பின்னா் ஜாா்க்கண்ட் பாஜக தலைவரானாா். 2000-ஆம் ஆண்டில் ஜாா்கண்ட் மாநில உருவாக்கப்பட்ட பிறகு அங்கு நடைபெற்ற தோ்தலில் பாஜக வெற்றி பெற்றது. மராண்டி அந்த மாநிலத்தின் முதல் முதல்வரானாா். அதற்கு முன்பு இரு ஆண்டுகள் வாஜ்பாய் தலைமையிலான மத்திய அரசில் சுற்றுச்சூழல் மற்றும் வனத்துறை அமைச்சராகவும் இருந்தாா். 2006-ஆம் ஆண்டு பாஜகவில் இருந்து விலகி, ஜாா்க்கண்ட் விகாஷ் மோா்ச்சா (பி) கட்சியை உருவாக்கினாா். இப்போது மீண்டும் தாய்க் கட்சியான பாஜகவில் ஐக்கியமாகவுள்ளாா்.