மத மாற்று கும்பலுக்கு கடிவாலம்

வெளிநாட்டிலிருந்து பணம் பெறும் என்.ஜி.ஓக்களை ஒழுங்குபடுத்தும் FCRA (Foreign Contribution (Regulation) Act, 2010 – FCRA) சட்டத்தில் மாற்றங்களை கொண்டு வந்து அதை கெசட்டிலும் அறிவித்திருக்கிறார் மத்திய உள்துறை அமைச்சர் அமித்ஷா .
அந்த அறிவிப்பில் தெரிவித்திருக்கும் பல விஷயங்களில் முக்கியமானது, அந்த “என்.ஜி.ஓ-வின் எந்த உறுப்பினரும் மதமாற்றத்தில் ஈடுபட்டு வழக்கை சந்திக்கவில்லை அல்லது தண்டிக்கப்படவில்லை” என்பதை பிரகடனம் செய்து கையொப்பமிடவேண்டும். இது வரை என்.ஜி.ஓவின் தலைமை நிர்வாகி மட்டுமே இம்மாதிரி பிரகடனம் செய்ய வேண்டியிருந்தது. இப்போது அது மாற்றப்பட்டு கடைநிலை ஊழியர் வரை ‘உறுப்பினர்’ என்று வரையறுக்கப்படுகிறது. எனவே, வெளிநாட்டில் பணம் வாங்கும் எந்த என்.ஜி.ஓவை சேர்ந்த எவரேனும் எங்கேனும் மதமாற்றத்தில் ஈடுபட்டு அவர்கள் மீது வழக்கு பதியப்பட்டால், FCRA சட்டப்படி வழக்கை சந்திக்க வேண்டியிருக்கும்
“மதமாற்றத்தால் இனவாத பதற்றம் மற்றும் விரோதம் பரவுகிறது” என்று காரணம் சொல்லியிருக்கிறது அரசு.
அது மட்டுமல்லாமல், தேசதுரோக நடவடிக்கைகள் வன்முறையை தூண்டுவது ஆகியனவும் புதிய அறிவிப்பில் இடம் பெற்றிருக்கிறது.