முன்னாள் துணை பிரதமரும், உள்துறை அமைச்சருமான பா.ஜ., முன்னாள் மூத்த தலைவர் எல்.கே. அத்வானிக்கு மத்திய அரசின் உயரிய விருதான பாரத ரத்னா அறிவிக்கப்பட்டுள்ளது.
இவரது பாரத ரத்னா விருது தொடர்பாக பிரதமர் மோடி எக்ஸ் சமூக வலைதளத்தில் கூறியிருப்பதாவது:
” இந்தியாவின் வளர்ச்சிக்கு அத்வானி ஆற்றிய பணி போற்றுதலுக்குரியது. அவரது பார்லி., பணிகள் என்றும் பாராட்டுதலுக்குரியது. அவருக்கு பாரத ரத்னா விருது வழங்கப்பட்டிருப்பது மகிழ்ச்சி. தகவல் துறை மற்றும் உள்துறை என சிறந்த பணியாற்றிய அத்வானி அனைவராலும் மதிக்கப்படும் நபர் ஆவார். ” இவ்வாறு அவர் கூறியுள்ளார். விருது தொடர்பாக பிரதமர் மோடி, அத்வானியை போனில் தொடர்பு கொண்டு மகிழ்வை பகிர்ந்து கொண்டார்.