பாகிஸ்தானில் உள்ள ஹிந்துக் கோயில்கள் மற்றும் தெய்வங்கள் மீதான தொடர் தாக்குதல்களுக்கு இடையே, பா.ஜ.க தலைவர் மஞ்சிந்தர் சிங் சிர்சா ஒரு திடுக்கிட வைக்கும் வீடியோவைப் பகிர்ந்துள்ளார். அந்த வீடியோவில், பாகிஸ்தானின் சிந்து மாகாணத்தில் நீதிமன்றத்திற்கு வெளியே, சில ஆண்களால் ஒரு ஹிந்து பெண் ஒருவர் பட்டப்பகலில் இழுத்துச் செல்லப்படுகிறார். அந்த பெண் உதவிக்காக அலறுகிறார். ஆனால் அவர்கள் எந்த சட்டதிட்டத்திற்கும் காவல்துறைக்கும் பயப்படாமல், அந்த பெண்ணை வலுக்கட்டாயமாக இழுத்துச் சென்று காரில் போட்டு கடத்திச் சென்றனர். பாகிஸ்தானில் உள்ள ஹிந்து, கிறிஸ்தவர்கள் உள்ளிட்ட சிறுபான்மையினர் இப்படி கொடுமைகளை அன்றாடம் அனுபவித்து வருகின்றனர். ஒவ்வொரு ஆண்டும் சுமார் ஆயிரம் ஹிந்து, கிறிஸ்தவ சிறுவர் சிறுமிகள் கடத்தப்பட்டு முஸ்லிம்மாக பாலியல் பலாத்காரம், கட்டாய மதமாற்றம், கட்டாயத் திருமணம் செய்யப்படுகின்றனர். மீறுபவர்கள் கொல்லப்படுகின்றனர். பாகிஸ்தான் அரசு இவற்றை கண்டுகொள்வதே இல்லை.