கொரோனா தடுப்பூசி போடுவதற்கு ‘கோவின்’ வலைத்தளம் மூலம் முன்பதிவு செய்யப்பட்டு வருகிறது. அதனை எளிமைப்படுத்தும் மேலும் விதத்தில் தற்போது வாட்ஸ் அப் மூலம் முன்பதிவு செய்யும் வசதியை மத்திய அரசு துவங்கி உள்ளது. இது குறித்து தனது டுவிட்டர் பக்கத்தில் கருத்து பதிவிட்ட மத்திய சுகாதாரத்துறை மந்திரி மன்சுக் மாண்டவியா, ‘வாட்ஸ் அப்பில் ‘Book Slot’ என்று டைப் செய்து மைகவ் இந்தியா கொரோனா உதவிமைய எண்ணான 91-9013151515 என்ற எண்ணுக்கு அனுப்ப வேண்டும். அதில் வரும் ஓ.டி.பி. எண்ணை பதிவு செய்து உறுதிப்படுத்த வேண்டும். அதன் பின்னர் கூறப்படும் வழிகாட்டுதல்களின்படி, கொரோனா தடுப்பூசி போடுவதற்கான நேரத்தை முன்பதிவு செய்யலாம்’ என தெரிவித்துள்ளார்.