இலங்கை மீனவர்கள் விடுவிப்பு சம்பந்தமாக, தமிழக பா.ஜ.க தலைவர் அண்ணாமலை, மத்திய வெளியுறவுத்துறை அமைச்சர் டாக்டர் எஸ் ஜெய்சங்கருக்கு எழுதியுள்ள கடிதத்தில், “2023ம் ஆண்டு மார்ச் 17ம் தேதி இலங்கைக் கடற்படையினரால் சிறைபிடிக்கப்பட்ட 12 மீனவர்களை, உடனடியாகத் தலையிட்டு விடுதலை செய்ததற்காகவும் 2023 மார்ச் 24க்குள் 4 மீனவர்களும் விடுவிக்கப்படுவார்கள் என்ற உறுதிமொழிக்காகவும் வெளியுறவுத் துறை அமைச்சகம் மற்றும் பிரதமர் நரேந்திர மோடிக்கு தமிழக பா.ஜ.க சார்பாகவும், தமிழக மீனவர்கள் சார்பாகவும் மனமார்ந்த நன்றியைத் தெரிவித்துக் கொள்கிறோம். அத்துடன், புதுக்கோட்டையைச் சேர்ந்த 12 மீனவர்கள் கைது செய்யப்பட்டதை உங்கள் கவனத்துக்குக் கொண்டு வருகிறோம். இலங்கை கடற்படை. கைது செய்யப்பட்ட போது இரண்டு மீன்பிடி படகுகளும் கைப்பற்றப்பட்டுள்ளன. கைது செய்யப்பட்டவர்களை விரைவாக திருப்பி அனுப்ப தங்களது அலுவலகத்தின் தலையீட்டை நாங்கள் கேட்டுக்கொள்கிறோம்” என கோரிக்கை விடுத்துள்ளார்.