தாலிபன்கள் ஆப்கனை முழுவதும் கைப்பற்றியுள்ள நிலையில், மறைந்த ஆப்கன் அரசியல்வாதி அகமது ஷா மசூத்தின் மகன் அகமது மசூச் தலைமையில் புதிய தலிபான் எதிர்ப்பு படை பாஞ்சீர் பகுதியில் உருவாக்கப்பட்டுள்ளது. நார்தர்ன் அலயன்ஸ் எனப்படும் அந்த படையின் கொடி பாஞ்சீர் பகுதியில் 2001க்கு பிறகு தற்போது மீண்டும் பறக்கவிடப்பட்டுள்ளது. அகமது மசூச் தற்போது தலிபான்களுக்கு எதிராக போராட, ஆப்கனின் சுதந்திர போராட்டத்தில் இணைய மக்களுக்கு அழைப்பு விடுத்துள்ளார். பல பகுதிகளில் மறைந்துள்ள ஆப்கன் ராணுவ வீரர்கள் பாஞ்சீர் பகுதிக்கு சிறிது சிறிதாக செல்கின்றனர் என தகவல்கள் வெளியாகியுள்ளது.