ஹிந்து ஸ்வயம்சேவக சங்கம் (ஹெச்.எஸ்.எஸ்) அமைப்பின் கனடா பிரிவு, கனடாவில் உள்ள ஹிந்து அமைப்புகள் மீதான தாக்குதல்களை கண்டித்துள்ளது. இதுகுறித்து ஹெச்.எஸ்.எஸ் கனடா வெளியிட்டுள்ள அறிக்கையில், “கனடாவில் உள்ள அனைத்து ஹிந்துக்கள் மீதும் வெறுப்பையும் அவமதிப்பையும் ஊக்குவிப்பதற்கு மறுசுழற்சி செய்யப்பட்ட பிரச்சாரப் பொருட்களைப் பயன்படுத்தி, கனடாவில் ஹிந்து அமைப்புகள் மீது நடத்தப்பட்ட சமீபத்திய தாக்குதல்களை ஹெச்.எஸ்.எஸ் கனடா கண்டிக்கிறது. மதிப்பிழந்த பிரச்சாரப் பொருட்களைப் பயன்படுத்தி நடத்தப்பட்ட இந்தத் தாக்குதல்கள், குறிப்பிட்ட அரசியல் நிகழ்ச்சி நிரல்களைக் கொண்ட சில அமைப்புகளால் ஊக்குவிக்கப்படுகின்றன. இந்த அமைப்புகளில் சில தீவிரமான கருத்துக்களைக் கொண்டுள்ளனதுடன் ஹிந்துக்கள் மீது வெறுப்பையும் அவமதிப்பையும் வளர்க்கின்றன” என தெரிவிக்கப்பட்டு உள்ளது. துடிப்பான, நிலையான மற்றும் பன்முக கலாச்சாரம் கொண்ட நாடு கனடா என கூறப்படுகிறது. கனடாவில் சுமார் 10 லட்சத்திற்கும் அதிகமான ஹிந்துக்கள் வாழ்ந்து வருகின்றனர். ஆனால், சமீபத்தில் கனடாவில் ஹிந்துக் கோயில்கள் இழிவுபடுத்தப்பட்டன. அதைத் தொடர்ந்து ஹெச்.எஸ்.எஸ் கனடா மீதான சமீபத்தி இலக்கு வைக்கப்பட்ட தாக்குதல்கள் நிகழ்த்தப்படுகின்றன. இது கனடாவில் வளர்ந்துவரும் மற்றும் தொடரும் ஹிந்துபோபியா நிகழ்ச்சி நிரலை வெட்டவெளிச்சம் ஆக்கியுள்ளது.
ஹெச்.எஸ்.எஸ் கனடா என்பது, ஹிந்து தர்மத்தின் மதிப்புகளின் அடிப்படையில் ஹிந்து கனடியர்களுக்கும் கனடாவிற்கும் சேவை செய்யும் ஒரு முழு கனடிய தொண்டு நிறுவனமாகும். கனடா முழுவதும் பல்வேறு செயல்பாடுகள், நிகழ்ச்சிகள் மூலம் ஹிந்து தர்மத்தைப் பாதுகாத்தலும் மேம்படுத்துதலுமே இதன் நோக்கம். ஹெச்.எஸ்.எஸ் கனடா, தனது நடவடிக்கைகளை மிகவும் அமைதியான, ஆக்கபூர்வமான மற்றும் குடும்ப நட்பு அமைப்பு ரீதியாக நடத்துகிறது. ஒட்டுமொத்தமாக, பலதரப்பட்ட கனடா மக்களுடன் ஆக்கப்பூர்வமாக ஈடுபடுவதற்கு இந்த அமைப்பு ஒரு நிலையான முயற்சியை மேற்கொண்டு வருகிறது. எச்எஸ்எஸ் கனடா எந்தவொரு பாகுபாடும் இல்லாமல் அனைவருக்கும் பயனளிக்கும் வகையில் திட்டங்கள் மற்றும் சமூக சேவை திட்டங்களை நடத்துகிறது. முப்பது வருடங்களுக்கும் மேலாக ஹெச்.எஸ்.எஸ் கனடா, தன்னலமற்ற சேவை மற்றும் தலைமைத்துவத்தைப் பகிர்ந்து கொள்வதன் மூலம் கனடாவின் குடிமக்களிடம் நம்பிக்கையை உருவாக்கியுள்ளது. பொருளாதார வளர்ச்சி, கல்வி, மருத்துவ அறிவியல் மற்றும் பல துறைகளில் ஹிந்து கனடியர்களின் தொடர்ச்சியான மற்றும் வளர்ந்து வரும் பங்களிப்புகளில் இது தெளிவாகிறது. கனடாவில் ஹிந்துக்கள் சட்டத்தை மதிக்கும், அமைதியான மற்றும் உற்பத்தி செய்யும் சமூகமாக பரவலாகப் போற்றப்படுகிறார்கள். ஹெச்.எஸ்.எஸ் கனடா, இந்த பாராட்டுகளை தொடர்ந்து வளர்த்துக்கொள்ள அர்ப்பணிப்புடன் இருக்க விரும்புகிறது.
கனடா முஸ்லிம்களின் தேசிய கவுன்சில் மற்றும் உலக சீக்கிய அமைப்பால் எழுதப்பட்ட “ஆர்எஸ்எஸ் நெட்வொர்க் இன் கனடா” என்ற அறிக்கையில், ஹெச்.எஸ்.எஸ் கனடா தொடர்பாக அவதூறான பிரச்சாரம் மேற்கொள்ளப்பட்டு உள்ளது. அது, மோசமாக ஆய்வு செய்யப்பட்டுள்ளது. எங்கள் கட்டமைக்கப்பட்ட பாடத்திட்டம், எங்கள் நிகழ்ச்சிகளின் உள்ளடக்கங்கள் அனைத்தும் ஹிந்து தர்மத்தின் போதனைகள் மற்றும் நடைமுறைகளில் மட்டுமே கவனம் செலுத்துகிறது. ஹிந்து தர்மத்தின் அடிப்படையிலான, உலகம் முழுவதையும் ஒரு குடும்பமாக கருதுவது, ஒருவருக்கொருவர் இடையேயும் மரியாதையை வளர்ப்பதே இந்த ஹெச்.எஸ்.எஸ் கனடாவின் முதன்மையான நோக்கம். இந்த அமைப்புகளின் இத்தகையத் தாக்குதல்கள், ஹிந்து விரோத உணர்வுகளைத் தூண்டிவிட்டு கனடாவில் ஹிந்துக்களுக்கு எதிரான வெறியை வளர்க்கும் நோக்கத்தில் உள்ளன. கனடாவில் அமைதியின்மையை உருவாக்க உழைக்கும் இத்தகைய அமைப்புகளை கவனத்தில் கொள்ளுமாறு அனைத்து நலவிரும்பிகள், ஊடகப் பிரதிநிதிகள், பொது அதிகாரிகள், கல்வியாளர்கள் மற்றும் அனைத்து கனேடியர்களையும் ஹெச்.எஸ்.எஸ் கனடா கேட்டுக்கொள்கிறது. இந்த அமைப்புகளில் சிலவற்றின் செயல்பாடுகள் கனடாவில் ஹிந்துக்களின் உரிமைகள் மற்றும் மனித உரிமைகளை மீறுவதாகவும் உள்ளது. ஒரு மில்லியன் கனேடிய ஹிந்துக்கள் மீதான வெறுப்பை நிறுத்த உடனடி நடவடிக்கை எடுக்குமாறு கனடா அதிகாரிகளிடம் வேண்டுகோள் விடுக்கிறது” என தெரிவிக்கப்பட்டு உள்ளது.