திருச்சி மாவட்டம், மணப்பாறை அருகேயுள்ள ஆளிப்பட்டி மாரியம்மன் கோயில் முன்பு கைத்துப்பாக்கி ஒன்று கிடந்துள்ளது. இதனை கண்ட அப்பகுதியினர் காவல் துறையினருக்கும் வருவாய் துறையினருக்கும் தகவல் அளித்தனர். இதனை தொடர்ந்து சம்பவ இடத்திற்கு வந்த காவல்துறையினர் துப்பாக்கியை கைப்பற்றியதுடன் அப்பகுதி பொதுமக்களிடம் இது குறித்தும் விசாரணை நடத்தினர். திருச்சி துப்பாக்கி பராமரிப்பு பிரிவு காவல்துறையினர் ஆய்வு செய்த பிறகுதான் கைத்துப்பாக்கியின் ரகம் குறித்து தெரியவரும் என காவல்துறையினர் தெரிவித்துள்ளனர்.