இலவச தரிசன டோக்கன்களை திருப்பதியில் உள்ள கவுண்டர்களில் வழங்கினால் அவற்றை வாங்க கூடும் பக்தர்களின் கூட்டத்தால் கொரோனா பரவலாம் என்பதால் இலவச தரிசன டோக்கன் வழங்கும் நடைமுறை கடந்த சில மாதங்களாக தற்காலிகமாக நிறுத்தி வைக்கப்பட்டு இருந்தது. இந்நிலையில் கடந்த மூன்று நாட்களாக சித்தூர் மாவட்டத்தைச் சேர்ந்த பக்தர்களுக்கு மட்டும் நாள் ஒன்றுக்கு 2,000 இலவச தரிசன டோக்கன்கள் வழங்கப்படுகின்றன. ஏராளமான பக்தர்களின் கோரிக்கையை அடுத்து, 300 ரூபாய் தரிசன டிக்கெட்டுகளை போலவே, இலவச தரிசன டோக்கன்களையும் ஆன்லைனில் பக்தர்களுக்கு வெளியிட முடிவு செய்து அதற்கான ஏற்பாடுகளை துவக்கப்பட்டு உள்ளது. இன்னும் ஒரே வாரத்தில் இலவச தரிசன டோக்கன்கள் ஆன்லைன் வழியாக பக்தர்களுக்கு கிடைக்கும் என்று திருமலை திருப்பதி தேவஸ்தானம் தெரிவித்துள்ளது.