திருப்பாவை – 14

விளக்கம்; பறவை வடிவம் கொண்டு வந்த பகாசுரனின் வாயைப் பிளந்து அழித்தவன் கண்ணன். பிறன் மனை நாடிய இலங்கை வேந்தன் ராவணனின் தலையைக் கிள்ளிக் கொய்யவும் அவதாரம் எடுத்த நாராயணனின் புகழைப் பாடியபடியே, நம் தோழியர் எல்லாரும் பாவை விரதம் இருக்கும் இடத்திற்கு சென்றாகி விட்டது. கீழ்வானத்தில் சுக்கிரன் என்னும் வெள்ளி முளைத்து விட்டது. ப்ரஹ்ஸ்பதி என்ற வியாழன் மறைந்து விட்டது. பறவைகள் கீசு கீசு என்று கீச்சிட்டு பாடுகின்றன.

தாமரை மலர் போன்ற கண்களையுடைய பெண்ணே! விடியலை உணர்த்தும் இந்த அறிகுறிகள் தெரிந்தும் உடல் நடுங்கும்படி, குளிர்ந்த நீரில் குடைந்து குடைந்து நீச்சலடித்து குளிக்க வராமல் என்ன செய்கிறாய்? அந்தக் கண்ணனை நினைக்கும் ஒவ்வொரு நாளும் நன்னாளே! மார்கழியில் அவனை நினைப்பது இன்னும் ஸ்ரேஷ்ட மான ஒன்றல்லவா!? எனவே, தூக்கம் என்கிற திருட்டை தவிர்த்து எங்களுடன் நீராட வா.

கள்ளம் தவிரந்து : தூக்கத்தைதத் தவிர்த்தல்என்பது இங்கு பொருளாகும்.  நேரத்தை வீணடிப்பதும் ஒரு வகையில் திருட்டு தான்! அதிலும், பகவானை எண்ணாத ஒவ்வொரு நிமிடமும் நமக்கு நாமே செய்யும் திருட்டு தான். வயதானக பிறகு திருப்பாவையைப் படிக்கலமே என நினைக்கக் கூடாது. அப்போது, வாய் உளற ஆரம்பிக்கும். சில நேரங்களில் பாட முடியாமலே போய்விடும், நாலை என்பது நமது வாழ்வியலில் சோம்பேறி தனத்துக்கு வித்திட்டு விடும் எனவே இளமையிலேயே, பகவானின் திருநாமங்களைச் சொல்லி, அவனது திருக்கதையைப் படித்தால் செல்வங்கள் நம்மைத் தேடி வரும்.