வாரணாசியில் உள்ள ஞானவாபியில் உள்ள சர்ச்சைக்குரிய கட்டிடம் வாரணாசி நீதிமன்ற உத்தரவின்படி 14 மே 2022 சனி மற்றும் ஞாயிற்றுக் கிழமைகளில் ஆய்வு செய்யப்பட்டது. இந்நிலையில் கடந்த சனிக்கிழமை விஷ்வ வேதிக் சனாதன் சங்கத்தின் தலைவர் ஜிதேந்திர சிங் பிசென், ஆய்வை முடித்துவிட்டு வெளியே வந்த பிறகு ஊடகங்களிடம், ‘சர்ச்சைக்குரிய கட்டமைப்பிற்குள் கற்பனை செய்ததை விட இன்னும் நிறைய காணப்படுகின்றன. நான்கு பாதாள அறைகளில் கணக்கெடுப்பு பணி முடிந்துள்ளது. மேலும், சர்ச்சைக்குரிய கட்டிடத்தின் மேற்கு சுவர் குறித்தும் ஆய்வு நடத்தப்பட்டது. ஞாயிற்றுக்கிழமையும் கணக்கெடுப்பு தொடரும், மே 17ம் தேதிக்குள் முடிக்க வேண்டும். ஆய்வின்போது, சில பூட்டுகள் திறக்கப்பட்டன, சிலவற்றை உடைக்க வேண்டியிருந்தது. ஆய்வு செய்ய இன்னும் நிறைய உள்ளது. நான் நினைத்ததை விட அங்கு நிறைய இருக்கிறது. இது அனைவரின் கற்பனைக்கும் அப்பாற்பட்டது. ஊடகங்களில் எல்லா விஷயங்களையும் சொல்ல முடியாது. 40 சதவீத கணக்கெடுப்பு முடிந்து, நாளையும் தொடரும்” என்றார்.