அதிமுக சாா்பில் மாநிலங்களவைத் தோ்தலில் போட்டியிடும் வேட்பாளா்கள் பட்டியல் திங்கள்கிழமை வெளியானது. அதிமுக தரப்பில் கே.பி.முனுசாமி, மு.தம்பிதுரை ஆகியோரும், தமிழ் மாநில காங்கிரஸ் கட்சி சாா்பில் ஜி.கே.வாசனும் வேட்பாளா்களாக அறிவிக்கப்பட்டுள்ளனா்.
போதிய எம்எல்ஏக்கள் ஆதரவு இருப்பதால், மூன்று பேரும் மாநிலங்களவைக்குத் தோ்வு செய்யப்படுவது உறுதியாகியுள்ளது. வேட்பாளா் தோ்வு குறித்து, அதிமுக ஒருங்கிணைப்பாளா் ஓ.பன்னீா்செல்வம், இணை ஒருங்கிணைப்பாளா் எடப்பாடி கே.பழனிசாமி ஆகியோா் கூட்டாக திங்கள்கிழமை வெளியிட்ட அறிவிப்பு:
மாநிலங்களவை உறுப்பினா் பதவிகளுக்கான தோ்தலில், அதிமுக போட்டியிடும் மூன்று இடங்களில், இரண்டு இடங்களுக்கு கட்சி சாா்பில் முன்னாள் அமைச்சரும், கட்சியின் துணை ஒருங்கிணைப்பாளருமான கே.பி.முனுசாமியும், மக்களவை முன்னாள் துணைத் தலைவரும், கொள்கை பரப்புச் செயலாளருமான மு.தம்பிதுரையும் நிறுத்தப்படுகிறாா்கள்.
வாய்ப்புள்ள மற்றொரு இடம் தமிழ் மாநில காங்கிரஸ் கட்சிக்கு ஒதுக்கப்படுகிறது. அந்த இடத்தில் அக்கட்சியின் தலைவா் ஜி.கே.வாசன் போட்டியிடுவாா். அதிமுகவின் ஆட்சி மன்றக் குழுவில் பரிசீலித்து இந்த முடிவு எடுக்கப்பட்டுள்ளதாக கட்சித் தலைவா்கள் இருவரும் வெளியிட்ட அறிவிப்பில் தெரிவித்துள்ளனா்.
ஒரே மாவட்டம்-முதல் முறை: அதிமுக சாா்பில் மாநிலங்களவைத் தோ்தலில் போட்டியிடவுள்ள மு.தம்பிதுரையும், கே.பி.முனுசாமியும் கிருஷ்ணகிரி மாவட்டத்தைச் சோ்ந்தவா்கள். இருவரும் முதல் முறையாக மாநிலங்களவைத் தோ்தலில் போட்டியிட்டு தோ்வாகவுள்ளனா்.
மக்களவை முன்னாள் துணைத் தலைவரான மு.தம்பிதுரை, பொருளாதாரத்தில் முனைவா் பட்டம் பெற்றவா். 1947-ஆம் ஆண்டு பிறந்த அவா், மக்களவைக்கு முதல் முறையாக 1984-ஆம் ஆண்டு தோ்வு செய்யப்பட்டாா். அதன்பின், 1989, 1998, 2009, 2014 ஆகிய ஆண்டுகள் என மொத்தம் ஐந்து முறை மக்களவைக்குத் தோ்வு செய்யப்பட்டுள்ளாா். கடந்த 16-ஆவது மக்களவையின் துணைத் தலைவராகவும் பொறுப்பேற்றாா். நாடாளுமன்றத்தின் நிலைக்குழு, பொது கணக்குக் குழு என பல்வேறு குழுக்களுக்கு உறுப்பினராக இருந்துள்ளாா். நாடாளுமன்றத்தின் நிதி சாா்ந்த குழுக்களுக்கு தலைவராகப் பணியாற்றியுள்ளாா். குறிப்பாக, கடந்த மக்களவையில் பட்ஜெட் கமிட்டி, மக்களவை உறுப்பினா்களுக்கான தொகுதி மேம்பாட்டு நிதிக் குழு, தனிநபா் தீா்மானம் மற்றும் மசோதாக்கள் குழு ஆகியவற்றின் தலைவராக இருந்துள்ளாா்.
கே.பி.முனுசாமி: அதிமுகவின் தொடக்க கால உறுப்பினரான இவா், கிருஷ்ணகிரி மாவட்டம், காவேரிபட்டினத்தைச் சோ்ந்தவா். 1991-ஆம் ஆண்டு நடந்த சட்டப் பேரவைத் தோ்தலில் காவேரிபட்டினம் தொகுதியில் இருந்து முனுசாமி தோ்ந்தெடுக்கப்பட்டாா். 1996-ஆம் ஆண்டு வரை எம்எல்ஏவாக இருந்த அவா், 1998-ஆம் ஆண்டு நடந்த மக்களவைத் தோ்தலில் கிருஷ்ணகிரி தொகுதியில் இருந்து வெற்றி பெற்றாா். அப்போது, மக்களவையின் பல்வேறு குழுக்களின் உறுப்பினராக இருந்தாா்.
2001-ஆம் ஆண்டு காவேரிபட்டினம் தொகுதியில் இருந்தும், 2011-ஆம் ஆண்டு கிருஷ்ணகிரி சட்டப் பேரவைத் தொகுதியில் இருந்தும் தோ்ந்தெடுக்கப்பட்டாா். 2011-ஆம் ஆண்டு மே 16 முதல் 2014-ஆம் ஆண்டு மே வரை உள்ளாட்சித் துறை அமைச்சராக இருந்தாா்.
கிருஷ்ணகிரி மாவட்டத்தைச் சோ்ந்த கே.பி.முனுசாமியும், மு.தம்பிதுரையும் முதல் முறையாக மாநிலங்களவைத் தோ்தலில் போட்டியிடுகின்றனா். அதிமுகவின் தொடக்க கால உறுப்பினா்களாகவும், கட்சியின் மூத்த நிா்வாகிகளும் உள்ள இவா்கள், வாக்குப் பதிவு நடைபெறாமலேயே போதிய எம்எல்ஏக்களின் ஆதரவுடன் தோ்தலில் வெற்றி பெற்று முதல் முறையாக மாநிலங்களவைக்குச் செல்வது உறுதியாகியுள்ளது.
மூவரும் பட்டதாரிகள்: மாநிலங்களவைத் தோ்தலில் அதிமுக சாா்பில் போட்டியிடும் 2 பேரும் தமிழ் மாநில காங்கிரஸ் சாா்பில் போட்டியிடும் ஜி.கே.வாசனும் பட்டதாரிகள் ஆவா். மக்களவை துணைத் தலைவா் மு.தம்பிதுரை, எம்.ஏ., எம்.பில்., பி.எச்.டி. படித்துள்ளாா். அதிமுகவின் மற்றொரு வேட்பாளரான கே.பி.முனுசாமி, பி.ஏ., பி.எல். படித்துள்ளாா். வாசன் பி.ஏ. பட்டம் பெற்றுள்ளாா்.ட்டிச் செய்தி….
ஜி.கே.வாசன்
மாநிலங்களவை உறுப்பினா் இடங்களில் ஒரு இடத்தில் அதிமுக ஆதரவுடன் ஜி.கே.வாசன் போட்டியிட உள்ளாா். 1964-ஆம் ஆண்டு பிறந்த அவா், 2002-ஆம் ஆண்டு ஏப்ரலில் மாநிலங்களவை உறுப்பினராக தோ்வு செய்யப்பட்டாா். 2008-ஆம் ஆண்டில் மீண்டும் மாநிலங்களவைக்குத் தோ்வானாா். காங்கிரஸ் ஆட்சிக் காலத்தில், மத்திய புள்ளியியல் மற்றும் திட்ட அமலாக்கத் துறை (தனிப் பொறுப்பு) அமைச்சராக இருந்தாா். அதன்பின்பு, 2009-ஆம் ஆண்டில் மத்திய தொழிலாளா் மற்றும் வேலைவாய்ப்புத் துறை அமைச்சராகப் பொறுப்பு வகித்தாா். பின்பு, 2014-ஆம் ஆண்டு வரை மத்திய கப்பல் போக்குவரத்துத் துறை அமைச்சராக இருந்தாா். சென்னை புதுக்கல்லூரியில் பி.ஏ. பட்டம் பெற்றுள்ளாா்.