தமிழகத்தில் மட்டுமல்ல, பாரதம் முழுவதும் பல நகரங்களில் பணிபுரியும் இளம் பெண்கள், ஒழுங்கமைக்கப்பட்ட வலையில் சிக்கி தவிக்கின்றனர். சமீபத்தில் நாசிக்கில் உள்ள டி.சி.எஸ் நிறுவனத்தில் பணிபுரிந்த பெண் ஊழியர்கள் தொடர்ச்சியான தொல்லைகளுக்கும், மானசீக சித்திரவதைக்கும் உள்ளாக்கப்பட்டனர் என்ற தகவல்கள் வெளிவந்துள்ளன. இது தனி நபர் செயல் அல்ல — இது ஒரு திட்டமிட்ட நெட்வொர்க்கின் வேலை.
இதைவிட அதிர்ச்சியான நிகழ்வு என்னவென்றால், 19 வயது நிரம்பாத ஒரு இளைஞனும், அவனது நண்பர்களும் சேர்ந்து பல பெண்களை காதல் வலையில் சிக்க வைத்தனர். அவர்களிடையே ஒரு “ஸ்கோர் கார்டு” வைத்திருந்தனர் — யார் அதிக பெண்களை வலையில் போடுவது என்ற போட்டி. பெண்களின் வாழ்க்கை அவர்களுக்கு ஒரு விளையாட்டு. இது தனிப்பட்ட காம உணர்வு அல்ல — ஒரு சித்தாந்தத்தால் உந்தப்பட்ட செயல்பாடு!.
இந்த வலை எவ்வாறு ஒழுங்கமைக்கப்படுகிறது?
இது தன்னிச்சையாக நடப்பதில்லை. இதற்கு பின்னால் நிதி இருக்கிறது, திட்டமிடல் இருக்கிறது, தலைமை இருக்கிறது.
குறிப்பிட்ட சமூகத்தைச் சேர்ந்த இளைஞர்கள் தேர்ந்தெடுக்கப்படுகிறார்கள் — குறிப்பாக வறுமையில் இருப்பவர்கள், கல்வியில் பின்தங்கியவர்கள், வீட்டில் கவனிப்பு இல்லாதவர்கள். இவர்களுக்கு செல்போன், ஆடை, பணம், வாகனம் வாங்கி கொடுக்கப்படுகிறது. “இதெல்லாம் உனக்கு நாங்கள் கொடுக்கிறோம், ஈடாக நீ ஒரு வேலை செய்” என்று சொல்லப்படுகிறது.
அந்த வேலை என்னவென்றால் — ஹிந்துப் பெண்களை காதல் மூலம் கட்டுப்படுத்துவது, மதம் மாற்றுவது அல்லது குடும்பத்தை விட்டு விலக்குவது. இதற்கு நிதி வழங்கும் அமைப்புகள் உள்ளன. சில வெளிநாடுகளிலிருந்து பணம் வருகிறது, சில உள்நாட்டு வழிகளிலும் வருகிறது. இது ஆதாரமற்ற பேச்சு அல்ல — நமது நாட்டில் உள்ள நீதிமன்றங்களில் பதிவான வழக்குகளில், இந்த நிதி வழங்கல் ஆவணப்படுத்தப்பட்டு உள்ளது.
மூளை சலவை −”நீ செய்வது புண்ணியம்” என்று நம்பவைக்கப்படுகிறது!
இந்த இளைஞர்களுக்கு தனியார் கூட்டங்களில், ஒரு கருத்து திரும்பத் திரும்ப சொல்லப்படுகிறது — “வேற்று மதப் பெண்களை மதம் மாற்றுவது உன் கடமை, இது புண்ணியகரமான செயல், இதை செய்தால் நீ சொர்க்கம் போவாய்”
15,16 வயதிலிருந்தே இந்த கருத்து இளைஞர்களுக்கு விதைக்கப்படுகிறது. பெண்களை மனிதர்களாக பார்க்கவே இவர்களுக்கு பழக்கமில்லை — அவர்கள் ஒரு “இலக்கு” மட்டுமே. குறிப்பிட்ட போதகர்கள், யூடியூப் சேனல்கள், வாட்சப் குழுக்கள் மூலம் இந்த சிந்தனை தொடர்ந்து வலுப்படுத்தப்படுகிறது. இவர்களுக்கு இது தவறு என்று தெரிவதில்லை. அவர்கள் தங்களை “தர்மம் செய்யும் வீரர்கள்” என்று நம்புகிறார்கள். இதுதான் மிகவும் ஆபத்தான விஷயம்.
பெண் எதிர்க்கும்போது − வெறியாட்டம் தொடங்குகிறது
ஒரு பெண் அவர்களின் உண்மையான நோக்கத்தை புரிந்துகொண்டு விலக முயன்றால், அந்த நிமிடம் அவர்களின் முகவர்ணம் கலைகிறது. அன்பான “காதலன்” திடீரென்று வேறொரு மனிதனாக மாறுகிறான்.
முதலில் மிரட்டல் — “உன் புகைப்படங்களை அனுப்புவேன், உன் குடும்பத்தை பார்த்துக் கொல்வேன்”. அடுத்து தொடர்ந்த நிழலாட்டம் — அலுவலகம், வீடு, பேருந்து நிலையம் என எங்கும் பின்தொடர்தல். பிறகு நேரடி தாக்குதல் — அமிலம் வீசுவது, கத்தியால் குத்துவது வரை சென்றிருக்கிறது. கொலை வரை போகக்கூட தயாராக இருக்கிறார்கள். ஏனென்றால் அவர்களுக்கு “பெண்ணை இழந்தால் தோற்றோம்” என்ற மனநிலை வலுக்கட்டாயமாக திணிக்கப்பட்டிருக்கிறது.
கேரளம், உத்தரப்பிரதேசம், கர்நாடகா, மகாராஷ்டிரா உட்பட பல மாநிலங்களில் இதுபோன்ற வழக்குகளில் பெண்கள் கொல்லப்பட்டு உள்ளார்கள். காரணம் “அவள் விலகி போக முயன்றாள்” என்பது மட்டுமே. இது தனி நபர் வன்முறை அல்ல — இது ஒரு கட்டமைப்பு.
வேடிக்கை பார்க்கும் கூட்டம்
இந்த குற்றங்கள் நடக்கும்போது, சில பெண்களே மறைக்கும் வேலை செய்கிறார்கள். அதே சமூகத்தின் பெண்கள் — “அண்ணி”, “ஆன்டி”, “நண்பி” என்ற முகமூடி அணிந்து — பாதிக்கப்பட்ட பெண்ணை சமாதானப்படுத்துவார்கள். புகார் செய்யவிடாமல் தடுப்பார்கள். “அவன் நல்லவன், நீதான் தப்பாக புரிந்துகொண்டாய்” என்று சொல்வார்கள்.
சில நேரம் அவர்களும் பாதிக்கப்பட்டவர்களே, மிரட்டலின் காரணமாக இப்படி செய்கிறார்கள். சில நேரம் நம்பிக்கையின் காரணமாக செய்கிறார்கள். இரண்டும் ஆபத்தானது. சமூக “மானம்” காக்கும் பெயரில், குற்றங்களை புதைக்கும் நடவடிக்கையால், அடுத்து ஒரு நல்லவர் பாதிக்கப்பட வாய்ப்பு உருவாகும்.
பெற்றோர்களே கண் திறந்து கேளுங்கள்
உங்கள் மகள் புதிய “நண்பர்கள்” பற்றி திடீரென்று பேசினால் கவனியுங்கள். அவள் வீட்டுத் தொடர்பை குறைக்கத் தொடங்கினால், உடனடியாக கேளுங்கள். “அவங்க நல்லவங்க” என்று உங்கள் மகள் சொன்னால், இது மூளை சலவையின் ஆரம்ப அறிகுறி. “என்ன நடந்தாலும் நீ தண்டிக்கப்பட மாட்டாய், நாங்கள் உன் பக்கம்தான்” என்று திரும்பத் திரும்ப சொல்லுங்கள். குடும்ப மரியாதையை பெண்ணின் பாதுகாப்பை விட மேலே வைக்காதீர்கள், இந்த ஒரு தவறு பல குடும்பங்களை அழித்திருக்கிறது.
இளம் பெண்களே − உங்கள் பாதுகாப்பு உங்கள் கையில்
திடீர் அன்பு, அதிக கவலை, “நான் மட்டுமே உன்னை புரிந்துகொள்கிறேன்” என்பது எல்லாம் எச்சரிக்கை மணி. எந்த புகைப்படமும், வீடியோவும் யாரிடமும் பகிராதீர்கள் — காதலனிடமும் கூட. உங்கள் மதத்தை, வீட்டை, குடும்பத்தை கேலி செய்பவன் உங்களை நேசிக்கவில்லை, மாறாக உங்களைக் கட்டுப்படுத்துகிறான். அவனைப் பற்றிய உண்மை புரிந்தால் உடனே விலகுங்கள், தனியாக விலகாதீர்கள், நம்பகமான ஒருவரை அழையுங்கள்.
இதில் மிகவும் வருத்தம் தரும் விஷயம் என்னவென்றால், மத்திய அரசாங்கம் பெண்களுக்கு சம வாய்ப்பு அளிக்கவும், அவர்களுக்குரிய முக்கியத்துவத்தை வெளிக்கொணர்ந்து, பல முயற்சிகள் எடுத்து வருகிறது. அதில் முக்கியமான ஒன்று, பெண்களுக்கான இடஒதுக்கீடு. ஆனால், இந்த முயற்சியை எதிர்ப்பது யாரென்றால், காங்கிரஸ், தி.மு.க.வைச் சேர்ந்த இண்டி கூட்டணி கட்சிகள். பெண்களை உயர்வாக கருதுவதாக சொல்லிக் கொண்டு திரியும் இவர்கள்தான், இந்த திட்டத்தை எதிர்த்து வருகிறார்கள்.
மௌனம் குற்றவாளிகளுக்கு
அனுமதி அளிக்கிறது,
பேசுவதும் புகார் செய்வதும் தைரியம் –
அது உங்கள் கடமை,
உங்களுக்கும் உங்களுக்குப் பிறகு வரும் பெண்களுக்கும்!
கட்டுரையாளர்: பாலியல் துன்புறுத்தலுக்கு எதிரான (POSH) பயிற்சியாளர்