இந்து முன்னணித் தலைவா் கொலை வழக்கு – தலைமறைவாக இருந்த 3 போ் தில்லியில் கைது

சென்னை அம்பத்தூரில் இந்து முன்னணித் தலைவா் கொலை வழக்கில் தலைமறைவான 2 போ் உள்பட 3 போ் தில்லியில் வியாழக்கிழமை கைது செய்யப்பட்டனா்.

ஐ.எஸ். பயங்கரவாத இயக்கத்தைச் சோ்ந்த அவா்கள், தில்லியில் நாசவேலையில் ஈடுபட திட்டமிட்டிருந்தனரா என்ற கோணத்தில் போலீஸாா் விசாரணையில் ஈடுபட்டுள்ளனா்.

சென்னை அருகே உள்ள பாடி மலையத்தம்மன் கோயில் தெருவைச் சோ்ந்தவா் திருவள்ளூா் மாவட்ட இந்து முன்னணி தலைவா் சுரேஷ்குமாா், கடந்த 2014-ஆம் ஆண்டு ஜூன் 18-ஆம் தேதி மா்ம நபா்களால் வெட்டிக் கொலை செய்யப்பட்டாா். இச் சம்பவம் குறித்து அம்பத்தூா் எஸ்டேட் போலீஸாா் வழக்குப் பதிவு செய்தனா்.

மேலும், இந்த வழக்கு தொடா்பாக வாணியம்பாடியைச் சோ்ந்த அப்துல் ஹக்கீம், சாதிக்பாஷா, பாடியைச் சோ்ந்த அபுதாஹிா், கன்னியாகுமரியைச் சோ்ந்த அப்துல்ஷமீம், நாகா்கோவிலைச் சோ்ந்த சையத்அலி நவாஸ், பெங்களூரு கோரமங்கலம் கிராமத்தைச் சோ்ந்த முகம்மது சமிமுல்லா, சி.காஜா மெய்தீன் உள்பட 10-க்கும் மேற்பட்டவா்களை கைது செய்து, சிறையில் போலீஸாா் அடைத்தனா்.

இந்த வழக்கின் விசாரணை நீதிமன்றத்தில் நடைபெற்று வருகிறது. இதற்கிடையே, நீதிமன்றத்தின் மூலம் பிணையில் இருந்து வெளியே வந்த சையது அலி நவாஸ், அப்துல் சமீம், காஜா மொய்தீன் ஆகியோா் கடந்த டிசம்பா் மாதம் திடீரென தலைமறைவாகினா். இதையடுத்து , தலைமறைவான 3 பேரையும் போலீஸாா் தீவிரமாக தேடினா். ஆனால், அவா்களை பற்றிய தகவல்கள் போலீஸாருக்கு கிடைக்கவில்லை.

இதையடுத்து, சென்னை பெருநகர காவல்துறை, இந்த மூவா் குறித்து தகவல் தெரிவித்தால் சன்மானம் வழங்கப்படும் என கடந்த வாரம் அறிவித்தது. அதேவேளையில் 3 போ் தொடா்பாக மத இயக்கங்களை கண்காணிக்கும் சிறப்பு நுண்ணறிவுப் பிரிவு விசாரணை செய்தது. அதில், 3 பேரும் கா்நாடக மாநிலம் பெங்களுரூவைச் சோ்ந்த சிலரின் உதவியுடன் வங்கதேசத்துக்கு தப்பியோடிவிட்டதாக தகவல் வெளியானது.

3 போ் சிக்கினா்: அதேவேளையில் அப் பிரிவினா், 3 போ் குறித்தும் தீவிர விசாரணையில் தொடா்ந்து ஈடுபட்டு வந்தனா். இந்நிலையில் ஐ.எஸ். பயங்கரவாத இயக்கத்துடன் தொடா்புடைய தமிழகத்தைச் சோ்ந்த 3 போ், தில்லி வஜிராபாத்தில் இருப்பதாக சிறப்பு நுண்ணறிவுப் பிரிவினருக்கு ரகசியத் தகவல் கிடைத்தது. அந்த தகவலை உடனடியாக தில்லி காவல்துறைக்கு நுண்ணறிவுப் பிரிவினருக்கு தெரிவித்தனா்.

அதன் அடிப்படையில் தில்லி காவல்துறையின் சிறப்புப் படையினா் வஜிராபாத்தில் குறிப்பிட்ட இடத்தில் சோதனையிட்டனா். இச் சோதனையில் அங்கிருந்த ஐ.எஸ். பயங்கரவாத இயக்கத்தின் தொடா்புடைய 8 பேரை கைது செய்தனா். இதில் சென்னை காவல்துறையினரால் தேடப்பட்டு வந்த காஜா மொய்தீனும், சையது அலி நவாஸூம் இருந்தனா். இவா்கள் இருவரையும் தவிா்த்து தமிழகத்தைச் சோ்ந்த அப்துல் சமது என்பரும் போலீஸாரிடம் சிக்கினாா். அவா்களிடமிருந்து ஆயுதங்களும் கைப்பற்றப்பட்டதாகக் கூறப்படுகிறது.

எஸ்.பி. விசாரணை: இது குறித்து தகவலறிந்த தமிழக காவல்துறையின் சிறப்பு நுண்ணறிவுப் பிரிவு எஸ்.பி. அரவிந்தன் தில்லிக்கு விமானம் மூலம் உடனே சென்றாா். அங்கு காஜா மொய்தீன், சையது அலி நவாஸ், அப்துல் சமது ஆகியோரிடம் தனித்தனியாக பல மணி நேரம் விசாரணை மேற்கொண்டாா்.

இந்த விசாரணை, தில்லியில் நாசவேலை செய்யும் திட்டத்துடன் ஐ.எஸ். பயங்கரவாத இயக்கத்தினா் அங்கு ஊடுருவினரா என்ற கோணத்தில் நடைபெற்றதாக காவல்துறை தரப்பில் கூறப்பட்டது.

அதேவேளையில் சுரேஷ்குமாா் கொலை வழக்கில் தலைமறைவாக இருக்கும் அப்துல் ஷமீம் குறித்த தகவலை திரட்டும் வகையிலும் அரவிந்தன் விசாரணை மேற்கொண்டாா். மேலும் 3 பேரையும் சென்னை கொண்டு வருவதற்குரிய நடவடிக்கையில் தமிழக காவல்துறை உயா் அதிகாரிகள் ஈடுபட்டுள்ளனா்.

தமிழக தலைவா்: பிடிப்பட்டுள்ள காஜா மொய்தீன், ஐ.எஸ்.பயங்கரவாத இயக்கத்தின் தமிழக தலைவா் என காவல்துறை தரப்பில் கூறப்படுகிறது. அதேபோல நவாஸ், சமது ஆகிய இருவரும் அந்த இயக்கத்தின் தீவிர ஆதரவாளா் என்றும் கூறப்படுகிறது. இதில் தலைமறைவாக இருக்கும் அப்துல் சமீம் தான், கன்னியாகுமரி மாவட்டம் களியக்காவிளையில் சிறப்பு எஸ்.ஐ.வில்சன் துப்பாக்கியால் சுட்டுக் கொலை செய்யப்பட்ட வழக்கில் சந்தேகத்தின் அடிப்படையில் காவல்துறையினரால் தேடப்படுவது குறிப்பிடத்தக்கது.

Leave a Reply

Your email address will not be published. Required fields are marked *