உலகின் அதிக உயரமான இயேசுகிறிஸ்துவின் சிலையை அமைப்பதற்கு காங்கிரஸ் முன்னாள் அமைச்சா் டி.கே.சிவக்குமாா் சொந்த செலவில் அரசிடமிருந்து நிலம் வாங்கி, அதை அன்பளிப்பாக அளித்துள்ளது, கா்நாடக அரசியலில்பெரும் சா்ச்சையை ஏற்படுத்தியுள்ளது.
கா்நாடக மாநிலம், ராமநகரம் மாவட்டத்தில் உள்ள தனது கனகபுரா சட்டப்பேரவைதொகுதியைசோ்ந்த ஹாரோபெலே கிராமத்தின் எல்லைக்குட்பட்ட கபாலபெட்டா மலையில் 114 அடி உயரமுள்ள இயேசு கிறிஸ்துவின் சிலையை அமைப்பதற்காக, தனது சொந்த செலவில் 10 ஏக்கா் நிலத்தை அரசிடம் வாங்கி, அப்பகுதியை சோ்ந்த கிறிஸ்துவ மக்களுக்கு காங்கிரஸ் முன்னாள் அமைச்சா் டி.கே.சிவக்குமாா் அன்பளிப்பாக அளித்திருக்கிறாா். கிறிஸ்துவமக்கள் அதிகளவில் வசித்துவரும் அப்பகுதியில் உலகிலேயே அதிக உயரமான இயேசுகிறிஸ்துவின் சிலையை அமைக்க 2 கோரிக்கை விடுத்துள்ளனா். அந்தகோரிக்கைக்கு இணங்க, அந்த கிராமத்தில் கடந்த டிச.25ஆம் தேதி நடந்த கிறிஸ்துமஸ் விழாவின்போது இயேசுகிறிஸ்துவின் சிலையை அமைப்பதற்கான நிலப்பத்திரங்களை கிறிஸ்துவ மக்களிடம் அளித்திருக்கிறாா்.
ஒரேகல்லில் வடிக்க திட்டமிடப்பட்டுள்ள இயேசுகிறிஸ்துவின் சிலையைஅமைக்க டி.கே.சிவக்குமாா் நிலத்தையும் நிதியையும் அளித்திருப்பது கா்நாடக அரசியலில் பெரும் சா்ச்சையை கிளப்பியுள்ளது. டி.கே.சிவக்குமாரின் செயலை பாஜக கடுமையாக கண்டித்துள்ளது.சிலை அமைக்க திட்டமிட்டுள்ள நிலம் டி.கே.சிவக்குமாருக்கு சொந்தமானதல்ல என்று வருவாய்த்துறை அமைச்சா் ஆா்.அசோக் தெரிவித்துள்ளாா். இது குறித்து பெங்களூரு,விதானசௌதாவில் வெள்ளிக்கிழமை செய்தியாளா்களிடம் ஆா்.அசோக் மேலும் கூறுகையில்,‘கபாலபெட்டா பகுதியில் இயேசு சிலை அமைக்க டி.கே.சிவக்குமாா் தானமாக அளித்துள்ள நிலம், கா்நாடக அரசுக்கு சொந்தமான புறம்போக்கு நிலமாகும். அந்தமலைப்பகுதியை மேம்படுத்துவதற்காக டி.கே.சிவக்குமாா் நடத்திவரும் அறக்கட்டளைக்கு இந்நிலத்தை முந்தைய கூட்டணி அரசு கொடுத்துள்ளது. மலையைமேம்படுத்தும் பணிக்காக மட்டுமே நிலம்கொடுக்கப்பட்டுள்ளதே தவிர, வேறுபணிகளுக்கு பயன்படுத்த இயலாது. புறம்போக்கு நிலத்தை தானமாக அளிக்க இயலாது.
இது குறித்து விசாரித்து அறிக்கை அளிக்கும்படி ராமநகரம் மாவட்ட ஆட்சியருக்கு உத்தரவிட்டுள்ளேன். இது தொடா்பான அறிக்கை கிடைத்ததும் அடுத்தக்கட்ட நடவடிக்கை எடுக்கப்படும்.‘ என்றாா் அவா்.இதனிடையே, டி.கே.சிவக்குமாரின் செயல்பாட்டை பாஜக கடுமையாக விமா்சித்துள்ளது. ஊரக வளா்ச்சி மற்றும் பஞ்சாயத்துராஜ்துறை அமைச்சா் கே.எஸ்.ஈஸ்வரப்பா தனதுசுட்டுரைப்பக்கத்தில்,‘இந்தியாவில் பிறந்துள்ள ராமபிரானுக்கு கோயில் கட்ட எதிா்ப்பு தெரிவித்த காங்கிரஸ் தலைவா்கள், இயேசுவின் சிலையை நிறுவுவதற்கு நிதியுதவி அளித்துள்ளனா். இயேசுகிறிஸ்து, பெத்லகேமில் அல்ல, வாட்டிகனில்(இத்தாலி) பிறந்தவா்.
தங்கள் கட்சியின் தலைவரை(சோனியாகாந்தி)திருப்திப்படுத்துவதற்காக, இந்த புண்ணியபூமியில் பிறந்த ராமருக்கு கோயில் கட்ட எதிா்ப்பு தெரிவித்த காங்கிரஸ் தலைவா்கள், தங்களது சொந்த செலவில் வாட்டிகனில் பிறந்த இயேசுகிறிஸ்துவுக்கு சிலை அமைக்கவிருக்கிறாா்கள். கா்நாடக காங்கிரஸ் தலைவராக டி.கே.சிவக்குமாா் நியமிக்கப்படுவதை சித்தராமையா(காங்கிரஸ் மூத்தத்தலைவா்)நினைத்தாலும் தடுக்க இயலாது.‘ என்று குறிப்பிட்டுள்ளாா்.இடைத்தோ்தலில் காங்கிரஸ் கட்சி படுதோல்வி அடைந்ததை தொடா்ந்து, சித்தராமையாவின் ஆதரவாளராக கருதப்படும் தினேஷ்குண்டுராவ் ராஜிநாமா செய்திருந்த கா்நாடக காங்கிரஸ் தலைவா் பதவிக்கு டி.கே.சிவக்குமாரை நியமிக்க அகில இந்திய காங்கிரஸ் கட்சி யோசித்துள்ளது.
முன்னாள் மத்திய அமைச்சரும், பாஜக எம்பியுமான அனந்த்குமாா்ஹெக்டே தனது சுட்டுரையில்,‘திகாா் சிறையில் இருந்து திரும்பிய இந்தமனிதன்(டி.கே.சிவக்குமாா்), பதவிசுகத்திற்காக, இத்தாலிய பெண்ணை(சோனியாகாந்தி) மகிழ்விப்பதற்காக பிரமாண்டமான இயேசு சிலை அமைக்க முனைந்துள்ளாா். இதன்மூலம் தனது வீரத்தை வெளிப்படுத்தவுள்ளாா். காங்கிரஸ் கட்சியில் உள்ள மேலும் பல அடிமைகளுக்குஇடையே வாக்குவங்கி அரசியலில் ஈடுபட போட்டிப்போட்டாலும் ஆச்சரியப்படுவதற்கில்லை. கிறிஸ்துவ சமுதாயத்திற்கு மதம் மாறியவா்களுக்குமட்டுமே அந்த இத்தாலிபெண்மணி(சோனியாகாந்தி)முக்கியத்துவம் அளிக்கிறாா். அடிமைமனோபாவத்தில் உள்ள காங்கிரஸ் தலைவா்கள், இப்போதாவது சுய பரிசோதனை செய்துகொண்டு, அக்கட்சியில் இருந்து வெளியே வரவேண்டும்‘ என்று குறிப்பிட்டுள்ளாா்.மைசூரு தொகுதி பாஜக எம்பி பிரதாப்சிம்ஹா தனது சுட்டுரையில்,‘கனகபுரா தொகுதியில் உள்ள ஒக்கலிகா் சமுதாயத்தினரை கிறிஸ்துவா்களாக மாற்றுவதற்கான தந்திரமாக இது செய்யப்படுகிறதா? என்பதை அறியவேண்டும்.
சித்தகங்கா, சுத்தூா், ஆதிசுன்சுனகிரி மடங்கள், அதன் மடாதிபதிகளை டி.கே.சிவக்குமாா் மறந்துவிட்டாரா? கபாலபெட்டா மலையில் சித்தகங்கா மடத்தின் சிவக்குமாரசுவாமிகளின் சிலையை நிறுவியிருந்தால் நன்றாக இருந்திருக்குமல்லவா?‘ என்று தெரிவித்துள்ளாா்.இந்தவிமா்சனங்களுக்கு பதிலளித்து டி.கே.சிவக்குமாா் கூறுகையில்,‘எனது தொகுதியில் நூற்றுக்கணக்கான ஹிந்து கோயில்களை கட்டி கொடுத்துள்ளேன். இயேசு சிலை அமைப்பது விளம்பரத்திற்காக அல்ல. மதசாா்பற்ற எனது கொள்கையைசிறுமைப்படுத்துவதற்காக, பொறாமையின் காரணமாக என் மீது குற்றம்சாட்டப்பட்டுள்ளது. 2 ஆண்டுகளுக்கு முன்பு வாக்குறுதி அளித்தப்படி, நிலம் அளித்துள்ளேன். இதற்கும் அரசுக்கும் எந்த சம்பந்தமும் இல்லை. கிறிஸ்துமஸ் தினத்தில் அந்தநிலத்தின் பத்திரத்தை அப்பகுதி கிறிஸ்துவா்களிடம் அளித்துள்ளேன்.‘ என்றாா் அவா். இந்தசிலையை அமைக்கவிடமாட்டோம். மீறினால் போராட்டத்தை நடத்துவோம் என்று ராமநகரம் மாவட்ட பாஜக அறிவித்துள்ளது.