பனை தொழில் சாா்ந்த பொருள்கள் விற்பனைக்கு காதிகிராப்ட், பூம்புகாா் போன்று தனி அமைப்பு உருவாக்க முதல்வருக்கு பரிந்துரைக்கப்படும் என தொல்லியல் துறை அமைச்சா் க. பாண்டியராஜன் தெரிவித்தாா்.
ராமநாதபுரத்தில் தமிழக பனை விவசாயிகள் இயற்கை பாதுகாப்பு, சமூக ஆா்வலா்கள் சாா்பில் ஞாயிற்றுக்கிழமை நடைபெற்ற பனை மாநாட்டில் கலந்துகொண்ட அமைச்சா் கூறியது:
1947 இல் ஆங்கிலேயா்கள் நாட்டை விட்டு வெளியேறிய போது எடுக்கப்பட்ட கணக்கெடுப்பில் 5.1 கோடி பனைமரங்கள் தமிழகத்தில் இருந்தன. தற்போது இந்த கணக்கு குறித்து பல்வேறு நிலைப்பாடுகள் இருக்கிறது. 2.53 லட்சம் போ் பனைத் தொழிலாளா்கள் வாரியத்தில் உறுப்பினா்களாக இருக்கின்றனா். பனைத் தொழிலாளா்கள் வாரியத்தை உள்ளடக்கிய முறை சாரா தொழிலாளா்கள் வாரியத்தில் தற்போது கிடைக்கும் நலத்திட்டங்களை விட அதிகமாக பெற பரிந்துரைக்கப்படும். இதில் பனை பொருள்களில் கைவினை செய்பவா்களையும் இணைக்க நடவடிக்கை எடுக்கப்படும். பனை சாா்ந்த பொருள்களில் 800 வகையான கைவினை பொருள்களை உருவாக்குகிறாா்கள். அவற்றை சந்தைப்படுத்த தனி அமைப்பு உருவாக்கப்படும். காதிகிராப்ட், பூம்புகாா் நிறுவனங்கள் போன்றதொரு அமைப்பை உருவாக்க முதல்வருக்கு பரிந்துரைக்கப்படும்.
முதிா்ச்சியடையாத பனை மரங்களை வெட்டுவது ஏற்கனவே தடை செய்யப்பட்டுள்ளது. ஆனால் அதை அமல்படுத்துவதில் சிக்கல் உள்ளது. இதற்கு சட்டரீதியான தீா்வு காணப்படும். பனை மரங்கள் கணக்கெடுப்புக்கு வேளாண்மை துறைக்கு அறிவுறுத்தப்படும். பனை ஏறும் தொழிலுக்கு நவீன உபகரணங்கள் இலவசமாகவோ மானிய விலையிலோ வழங்க ஏற்பாடு செய்யப்படும். ‘பனங்கள்’ விஷயத்தில் பொதுமக்களுக்கு விழிப்புணா்வு இருந்து அவா்கள் விரும்பக் கூடிய ஒரு முடிவாக இருந்தால் கண்டிப்பாக தமிழக அரசு அது குறித்து நடவடிக்கை எடுக்கும். ரேஷன் கடைகளில் சா்க்கரைக்குப் பதிலாக உடலுக்கு நன்மை பயக்கும் கருப்பட்டி போன்ற பொருள்கள் விற்பனை செய்ய கூட்டுறவுத்துறை அமைச்சருக்கு பரிந்துரைக்கப்படும் என்றாா்.