கர்நாடகா சட்டசபை தேர்தல் வரும் 10ம் தேதி நடைபெற உள்ளது. இந்தத் தேர்தலையொட்டி பிரதமர் நரேந்திர மோடி பிரதமர் நரேந்திர மோடி அங்கு இறுதிக்கட்ட பிரசாரத்தில் ஈடுபட்டுள்ளார். 3 நாட்கள் பிரதமர் நரேந்திர மோடி கர்நாடகாவில் முகாமிட்டு வாக்கு சேகரிக்கிறார். நேற்று திறந்த பிரசார வாகனத்தில் பெங்களூரில் 26 கிலோ மீட்டர் தூரத்துக்கு சுமார் 3 மணி நேரம் ஊர்வலமாக சென்று வாக்கு சேகரித்தார். வழிநெடுகிலும் கூடியிருந்த திரளான தொண்டர்களும் பொதுமக்களும் மோடி.. மோடி..’ ‘பாரத் மாதா கி ஜெய்’ என்ற கோஷத்துடன் அவரை வரவேற்றனர். காவி நிறத்திலான பிரசார கார் பிரதமர் மோடிக்காக வண்ணமலர்களால் அலங்கரிக்கப்பட்டு இருந்தது. இந்த காரில் பிரதமர் மோடி ஏறி நின்று ஊர்வலமாக சென்றார். மோடியை வரவேற்கும் வகையில் அவர் மீது பூக்கள் தூவப்பட்டன. இன்று பிரதமர் நரேந்திர மோடி 10 கிலோமீட்டருக்கு பெங்களூருவில் திறந்த வாகனத்தில் ஊர்வலமாக செல்ல உள்ளார். இது பா.ஜ.கவினரை உற்சாகப்படுத்தியுள்ள நிலையில் காங்கிரஸ் கட்சியினர் இதனை கண்டு அரண்டுபோய் உள்ளதாக தகவல்கள் வெளியாகி உள்ளது.