லஷ்கர் இ தொய்பா பயங்கரவாத அமைப்பின் துணை அமைப்பான தி ரெசிஸ்டன்ஸ் ஃப்ரண்ட் (டி.ஆர்.எப்) சமீபத்தில் தனது தாக்குதல் இலக்குகளாக உள்ள காஷ்மீரி பண்டிட்டுகளின் பெயர்கள் அடங்கிய ஹிட்லிஸ்ட்டை வெளியிட்டது. அதில் இருந்து சில நாட்களுக்குப் பிறகு, காஷ்மீர் ஃபைட் என்ற மற்றொரு பயங்கரவாதக் குழு, காஷ்மீரி பண்டிட் அரசு ஊழியர்களுக்கு மற்றொரு அச்சுறுத்தலை விடுத்தது. இந்நிலையில் தற்போது காஷ்மீர் ஃபைட் பயங்கரவாத அமைப்பு, காஷ்மீர் பண்டிட் அரசு ஊழியர்களுக்கு எழுதியுள்ள ஒரு மிரட்டல் கடிதத்தில், நாங்கள் பதிவேற்றிய பட்டியலில் உள்ளவர்களுக்கு மட்டுமல்ல, அனைத்து பிரதமர் பேக்கேஜ் பலிகடாக்களுக்கும் ஒரு எச்சரிக்கை. இந்த ஆக்கிரமிப்பாளர்களின் அசுத்தமான வாக்குறுதிகளை யாரும் நிறைவேற்றக்கூடாது.காஷ்மீரி பண்டிட்டுகளுக்கு உதவுபவர்கள் உட்பட யாரையும் விட்டு வைக்க மாட்டோம். இந்த நிலத்தில் பிரதமர் தொகுப்பு பலிகடாக்கள் மற்றும் பிற உள்ளூர், வெளிநாட்டு ஊழியர்களுக்காக எழுப்பப்பட்ட குடியேற்றங்கள் (போக்குவரத்து காலனிகளை) நிச்சயமாக அவர்களுக்கு புதைகுழியாக மாறும்” என்று கடிதத்தில் கூறப்பட்டுள்ளது. முன்னதாக சமீபத்தில், ஜம்மு காஷ்மீர் துணைநிலை ஆளுநர் மனோஜ் சின்ஹா, பாரமுல்லா மற்றும் பந்திபோராவில் உள்ள காஷ்மீரி பண்டிட் அரசு ஊழியர்களின் போக்குவரத்து காலனிகளின் கட்டுமான பணிகளை நேரில் சென்று பார்வையிட்டார் என்பது குறிப்பிடத்தக்கது.