அஃப்தாப் அமீன் பூனாவாலா என்ற நபர் ஹிந்து பெண்ணான ஷ்ரத்தாவை லவ் ஜிஹாத்தில் வீழ்த்தினார். பிறகு அந்த பெண்ணை மே 18 அன்று கொலை செய்தார். அவர் அவரது உடலை 35 துண்டுகளாக வெட்டி குளிர்சாதன பெட்டியில் வைத்து 18 நாட்களில் டெல்லியில் வெவ்வேறு பகுதிகளில் போட்டு அப்புறப்படுத்தினார். ஷ்ரத்தாவின் தந்தை, தனது பெண் காணாமல் போனதாக புகார் அளித்ததையடுத்து இந்த சம்பவம் வெளிச்சத்துக்கு வந்தது. விசாரணையில் அஃப்தாப் அமீன் தனது குற்றத்தை ஒப்புக்கொண்டார். மேலும், அவர் ஒரு ஓரின சேர்க்கையாலர் என்பதும் தெரிந்தது. இது தொடர்பான விசாரணை நடைபெற்று வருகிறது. இது தேசமெங்கும் கடும் அதிர்வலைகளை ஏற்படுத்தியது. இந்நிலையில் இதுகுறித்து பேசிய உத்தரப் பிரதேசம் சிதாபூரில் உள்ள லஹர்பூர் நகரில் அமைந்துள்ள தாருல் உலூம் ரஹ்மானியா மதரஸாவைச் சேர்ந்த மௌலானாவும் ஜமியத் உல் ஹிந்தின் மாவட்டப் பொதுச் செயலாளருமான வக்கீல் அகமது காஸ்மி, “ஒரு முஸ்லிம் ஒரு முஸ்லிமை மட்டுமே திருமணம் செய்ய வேண்டும். முஸ்லிம் அல்லாதவர்களை திருமணம் செய்ய இஸ்லாம் அனுமதிப்பதில்லை. அவர் முஸ்லிமல்லாத ஒருவர் மீது அன்பு செலுத்தியிருந்தால் அவர் அவளை ஒரு சகோதரியாக நேசித்திருக்க வேண்டும். முஸ்லிம் சமூகத்தில் திருமணத்திற்கு ஏராளமான பெண்கள் உள்ளனர். திருமணத்திற்கு மத அமைப்பைப் பயன்படுத்துவது தவறானது. அஃப்தாபின் செயல்கள் மனித குலத்திற்கு அவமானம். மத அமைப்பில் இதுபோன்ற விஷயங்கள் வராது. இதை யாரும் செய்யக்கூடாது. மேலும், இதைபோன்ற ‘லிவ் இன்’ உறவுகளும் இஸ்லாத்தை மீறுவதாகும். மேலும் எந்த முஸ்லிமும் அதில் ஈடுபடக்கூடாது. திருமணம் செய்யாமல் ஒருவருடன் உறவில் ஈடுபட அனுமதி இல்லை. நட்பின் அடித்தளம் வேறு, ஆனால் திருமணம் இல்லாமல் கணவன் மனைவி இடையே உள்ள உறவுக்கு சமமான உறவில் யாராவது ஈடுபட்டால் அது ‘ஜீனா’ என்று அழைக்கப்படுகிறது. அஃப்தாப் அந்த குற்றத்தை செய்துள்ளார். மேலும், திருமணத்தில் ஆணும் பெண்ணும் இருப்பது அவசியம் என்பதை உலகமே அறியும். இந்த உலகில் உள்ள எந்த மதமும் ஒரு ஆண் மற்றொரு ஆணை திருமணம் செய்வதையோ அல்லது பெண் மற்றொரு பெண்ணை திருமணம் செய்வதையோ நியாயப்படுத்த முடியாது. கடவுள் ஆண்களுக்கும் பெண்களுக்கும் தனி பாலினத்தை உருவாக்கியுள்ளார். திருமணத்திற்காக உருவாக்கப்பட்ட அமைப்பு அடையும் போது மட்டுமே ஒரு நபர் அமைதியை அடைய முடியும். இந்த ஓரினச்சேர்க்கை உறவு மனிதாபிமானத்தின் அடிப்படையில் கூட அருவருப்பான விஷயம். ஒரு ஆண் ஒரு ஆணை மணந்தால், ஒரு பெண் ஒரு பெண்ணை மணந்தால் குழந்தைகள் எங்கிருந்து பிறக்கும்?” என கூறினார்.