தமிழக பள்ளி கல்வித் துறையின், நாட்டு நலப்பணி திட்டமான என்.எஸ்.எஸ்., பிரிவு இணை இயக்குனர் அமுதவல்லி, மாவட்ட முதன்மை கல்வி அலுவலர்களுக்கு அனுப்பியுள்ள சுற்றிக்கை ஒன்றில், ‘இந்திய கடற்படையில் அதிக வேலைவாய்ப்பு உருவாகி உள்ளது. பத்தாம் வகுப்பு, பிளஸ் 2 முடித்தவர்கள், இந்திய கடற்படை பணியில் சேர, நுழைவு தேர்வு எழுதி தேர்ச்சி பெற முடியும். தமிழகத்தில் இருந்து கடற்படையில் இணைவோர் எண்ணிக்கை 2 சதவீதம் மட்டும்தான். தமிழக மாணவர்களுக்கு பாதுகாப்பு படையில் சேர்வதற்கான விழிப்புணர்வு குறைவாக உள்ளது. எனவே, ராணுவத்தில் பணியில் சேர்வதற்கான தேர்வு முறைகள் குறித்த விழிப்புணர்வை பள்ளிகள் மாணவர்களுக்கு ஏற்படுத்த வேண்டும்’ என தெரிவித்து உள்ளார்.