அசாம் மாநிலம் கௌஹாத்தியில் நடைபெற்ற லோக்மந்தன் 2022, நான்கு நாள் மாநாடு ஒரு மதிப்புமிக்க விழாவுடன் நிறைவுற்றது. இது கலாச்சார பாரம்பரியத்தைப் பாதுகாக்க உழைக்கும் அறிவுஜீவிகள் மற்றும் பயிற்சியாளர்களை ஒருங்கிணைக்கிறது, ஸ்ரீமந்தா சங்கர்தேவ் கலாக்ஷேத்ராவில் நடந்த இந்த விழாவில், கேரள ஆளுநர் ஆரிப் முகமது கான் தலைமை விருந்தினராகக் கலந்து கொண்டார். ஆர்.எஸ்.எஸ் தேசிய பொதுச் செயலாளர் தத்தாத்ரேயா ஹொசபலே கலந்துகொண்டு சிறப்புரையாற்றினார். டாக்டர் சமுத்ர குப்த காஷ்யப் எழுதிய ‘அஸ்ஸாம்ஸ் கிரேட் ஹீரோஸ்: முஸ்லீம் படையெடுப்புகளை எதிர்த்துப் போராடியவர்கள்’, டேவிட் டி. தவம்தாங்காவின் ‘பிரக்ஜோதிஷ்பூரின் சுதந்திரப் போராளிகள்: ஆங்கிலேயர்களுக்கு எதிராக வீரத்துடன் போராடியவர்கள்’ மற்றும் ‘ நார்த் ஈஸ்ட் குரோனிகல்’ காலாண்டு இதழ் போன்ற சில புத்தகங்களும் பத்திரிகைகளும் விழாவில் வெளியிடப்பட்டன. பல்துறை பேராசிரியர்கள், பத்மஸ்ரீ பட்டம் பெற்றவர்கள், துறை இயக்குனர்கள், சுற்றுச்சூழல் ஆர்வலர்கள், சிந்தனையாளர்கள் உள்ளிட்ட பல பிரபலங்கள் தலைமையில் உலக பாரம்பரியத்தில் சுற்றுச்சூழல் மற்றும் நீர் பாதுகாப்பு, உலக பாரம்பரியத்தில் சுற்றுச்சூழல் மற்றும் பல்லுயிர் பன்முகத்தன்மை உள்ளிட்ட பல்வேறு அமர்வுகள், கலந்தாய்வு கூட்டங்கள் நடைபெற்றன. அசாம், மணிப்பூர், சத்தீஷ்கர், ராஜஸ்தான் மற்றும் பாரதத்தின் பல்வேறு பகுதிகளின் “பொது திருமண மரபுகள்” பற்றிய ஒரு இனிமையான தீம் அடிப்படையிலான கலாச்சார விளக்கக்காட்சி அனைவரையும் கவர்ந்தது.