டெல்லியில் ஹரிஜன சேவா சங்கத்தின் 90வது நிறுவன தினத்தைக் குறிக்கும் ‘சத்பவனா சம்மேளனத்தில்’ குடியரசு துணைத் தலைவர் ஜக்தீப் தன்கர் உரையாற்றினார். காந்திஜி ஹரிஜன சேவா சங்கத்தை உருவாக்கியதன் பின்னணியை நினைவுகூர்ந்த அவர், “நமது சுதந்திரப் போராட்டம் ஒரு அரசியல் இயக்கம் மட்டுமல்ல, சமூக கலாச்சார மறுமலர்ச்சியும் கூட. இது சமூக ஒற்றுமை மற்றும் அரசியல் சுதந்திரத்திற்கான அழைப்பு. அனைவரும் இணைவோம், சப்கா சாத், சப்கா விகாஸ் என்ற அனைவருக்குமான வளர்ச்சி என்ற தற்போதைய மத்திய அரசின் தொலைநோக்கு காந்திய சிந்தனையால் ஈர்க்கப்பட்டது. மகாத்மா காந்தி பாரத கலாச்சாரத்தின் சிறந்த கூறுகளான உண்மை மற்றும் அகிம்சையை களத்தில் செயல்படுத்த முயற்சித்தார். காந்தியின் கொள்கைகளால் மனிதகுலம் பெரிதும் பயனடையும். சமீப ஆண்டுகளில் காந்திய தத்துவத்துடன் ஒருமித்த கருத்துடன், அனைவரின், குறிப்பாக ஒதுக்கப்பட்டவர்களின் திறன் மற்றும் திறமைகளை முழுமையாக சுரண்டுவதை உறுதி செய்யும் சூழல் அமைப்பு உருவாகி வருவது மகிழ்ச்சி அளிக்கிறது. அரசியலமைப்புச் சட்டத்தின் தந்தை டாக்டர் அம்பேத்கர் அரசியல் நிர்ணய சபையில் ஆற்றிய கடைசி உரையில், சமூக ஜனநாயகத்தின் அடித்தளத்தில் அரசியல் ஜனநாயகம் நீடிக்காது என்று குறிப்பிட்டார்” என்று கூறினார். மகாத்மா காந்தியின் லட்சியங்களை கடைப்பிடித்ததற்காக ஹரிஜன சேவக் சங்கத்தைப் பாராட்டிய குடியரசுத் துணைத் தலைவர், அதன் எதிர்கால முயற்சிகளுக்கு தனது வாழ்த்துக்களைத் தெரிவித்தார். நிகழ்ச்சியில் ஹரிஜன சேவக் சங்கத் தலைவர் பேராசிரியர் டாக்டர் சங்கர் குமார் சன்யால், ரிஷிகேஷ் பரமார்த் நிகேதன் தலைவர் சுவாமி சிதானந்த சரஸ்வதி, முன்னாள் எம்.பி.யும், ஹரிஜன சேவக் சங்கத்தின் துணைத் தலைவருமான நரேஷ் யாதவ் மற்றும் பலர் கலந்து கொண்டனர்.