தமிழக பா.ஜ.க தலைவர் அண்ணாமலை வெளியிட்டுள்ள அறிக்கையில், “கிறிஸ்தவ மதத்திற்கு மாறிய பட்டியல் சமூகத்தைச் சேர்ந்தவர்களுக்கு தமிழக சட்டசபையில் ஹிந்து பட்டியல் சமூகத்தை சேர்ந்தவர்களுக்கான இடஒதுக்கீடுகளை வழங்கக் கோரி தி.மு.க, காங்கிரஸ் கூட்டணி தீர்மானம் நிறைவேற்றியுள்ளது. இந்த இடஒதுக்கீடு, நமது அரசியலமைப்பின்படி, ஹிந்துக்கள், சீக்கியர்கள் மற்றும் புத்த மதம் மாறியவர்களுக்கு மட்டுமே பொருந்தும். முதலாவதாக, இந்தத் தீர்மானம் அரசியலமைப்புக்கு முரணானது மற்றும் தி.மு.க காங்கிரஸ் கூட்டணி இந்தத் தீர்மானத்தை ஆதரிக்கும் அறிக்கையை தாக்கல் செய்யாததால், இது உண்மைகளின் அடிப்படையில் இல்லை. இரண்டாவதாக, மத்திய அரசு இதற்காக ஒரு குழுவை ஏற்கனவே அமைத்திருப்பதால் இந்தத் தீர்மானம் தேவையற்றது. அக்டோபர் 2022ல், முன்னாள் தலைமை நீதிபதி கே.ஜி. பாலகிருஷ்ணன் எஸ்.சி இடஒதுக்கீட்டின் கீழ் எஸ்.சி கிறிஸ்தவர் மற்றும் முஸ்லிம் மதம் மாறியவர்களைச் சேர்ப்பதன் தாக்கங்களைக் கண்டறிய அமைக்கப்பட்ட குழுவின் தலைவராக நியமிக்கப்பட்டார். அப்படியிருக்க தி.மு.க காங்கிரஸ் கூட்டணி இப்போது இந்தத் தீர்மானத்தை நிறைவேற்ற வேண்டிய அவசியம் என்ன? தி.மு.க ஃபைல்ஸ் மூலம் தமிழக பா.ஜ.க தமிழகம் எழுப்பிய கேள்விகளுக்கு பதில் கிடைக்காமல், தி.மு.கவின் முதல் குடும்பத்திடம் குறைந்தபட்சம் 30,000 கோடி ரூபாய் ரொக்கப் பணம் இருப்பதாக மாநில நிதியமைச்சர் கூறும் செய்தியாளர் ஒருவருடன் பேசிய உரையாடல் சமூக ஊடகங்களில் சுற்றிவரும் நிலையில், இந்தத் தீர்மானம் அதில் இருந்து மக்களை திசைதிருப்பும் நடவடிக்கையாகவே தெரிகிறது. இவை, தி.மு.க ஃபைல்ஸ்சில் நாங்கள் கூறியுள்ள கூற்றுகளை உறுதிப்படுத்துகின்றன” என தெரிவித்துள்ளார்.