1971ம் ஆண்டு பாகிஸ்தானுக்கு எதிரான போரில் பாரதம் மகத்தான வெற்றியை அடைந்ததை குறிக்கும் ‘விஜய் திவஸ்’ என்ற வெற்றி தினம் நேற்று பாரதம் எங்கும் கொண்டாடப்பட்டது.நமது ராணுவ வீரர்களின் துணிச்சல், வீரம், நாட்டுப்பற்று, தியாகம் போன்றவை நினைவு கூரப்பட்டன.இந்நிலையில், வெற்றி தினத்தை முன்னிட்டு துணிச்சல் மிக்க நமது தெசத்தின் அனைத்து ஆயுதப்படையினருக்கும் பிரதமர் நரேந்திர மோடி மரியாதை செலுத்தியுள்ளார். இது குறித்து பிரதமர் வெளியிட்டுள்ள டுவிட்டர் பதிவில், “விஜய் திவஸ் தினத்தையொட்டி, 1971ம் ஆண்டு போரில் பாரதம் மகத்தான வெற்றியை அடைவதை உறுதி செய்த துணிச்சல் மிக்க அனைத்து ஆயுதப்படையினருக்கும் நான் மரியாதை செலுத்துகிறேன். நமது நாட்டை பாதுகாப்பாக வைத்திருப்பதற்காக ஆயுதப்படையினருக்கு நாடு எப்போதும் நன்றிக்கடன் பட்டிருக்கும்” என தெரிவித்துள்ளார்.