மாமன்னன் ராஜராஜ சோழனின் பிறந்த நாளான ஐப்பசி சதய நட்சத்திரத்தன்று, ஆண்டு தோறும் சதய விழா கொண்டாடப்படும். அவ்வகையில் இந்த ஆண்டுக்கான ராஜராஜ சோழனின் 1,036வது சதய விழா, 13ம் தேதி கொண்டாடப்பட உள்ளது. 13ம் தேதி காலை 7:00 மணிக்கு, பெரிய கோயிலின் வெளியே உள்ள ராஜராஜ சோழன் சிலைக்கு மாலை அணிவித்து மரியாதை செய்யப்படும். காலை 9:00 மணிக்கு, 36 வகை திரவியங்களால் அபிஷேகம், பகல் 1:00 மணிக்கு மகாதீப வழிபாடு, மாலை 6:00 மணிக்கு சுவாமி புறப்பாடு ஆகிய நிகழ்ச்சிகளும் நடைபெற உள்ளன.