தேசிய அளவில் தபால் அலுவலகங்களின் மிகப்பரந்த வலையமைப்புடன் இயங்கி வரும் இந்திய தபால் துறை, அஞ்சல்கள் மற்றும் பார்சல்களை தொலைதூர கிராமங்கள் உட்பட நாட்டின் அனைத்து முகவரிகளுக்கும் விநியோகித்து வருகிறது. வாடிக்கையாளர்களின் எதிர்பார்ப்புக்கு ஏற்ப சேவைகளின் தரத்தை மேம்படுத்தவும் பராமரிக்கவும் போஸ்ட்மேன் மொபைல் ஆப் (பிஎம்ஏ) செயலி, இ-காமர்ஸ் வாடிக்கையாளர்களின் தேவைகளுக்காக பிரத்தியேக தபால் சாலை போக்குவரத்து வலையமைப்பு உள்ளிட்ட பல முன்முயற்சிகளை இந்தியா போஸ்ட் அறிமுகப்படுத்தியுள்ளது. இந்நிலையில், மக்கள் இணைப்பில் அஞ்சலக அலுவலர்களின் பங்கை அங்கீகரிக்கும் வகையில், 2021 அக்டோபர் 16 அன்று ‘அஞ்சல் தினத்தை’ இந்திய தபால் துறை கொண்டாடியது. இதமை முன்னிட்டு, வாடிக்கையாளர் சந்திப்புகள் நாடு முழுவதும் ஏற்பாடு செய்யப்பட்டன.