பாதுகாப்பு ஆராய்ச்சி மற்றும் மேம்பாட்டு அமைப்பு (டி.ஆர்.டி.ஓ.) பாரத ராணுவத்திற்கு நவீன போர் தளவாடங்களை ஆராய்ச்சி செய்து கண்டுபிடித்து தயாரித்து கொடுத்து வருகிறது. அந்த வகையில் ஆகாஷ் ஏவுகணையின் புதிய பதிப்பான ஆகாஷ் பிரைம் ஏவுகணையை தயாரித்துள்ளது. விமான எதிர்ப்பு ஏவுகணையான இது, ஒடிசாவில் உள்ள சாந்திபூரில் பரிசோதித்து பார்க்கப்பட்டது. அப்போது இலக்காக வைக்கப்பட்ட ஆளில்லா விமானம் ஒன்றை ஏவுகணை துல்லியமாக தாக்கி அழித்தது. இதையடுத்து, ஆகாஷ் பிரைம் ஏவுகணை சோதனை வெற்றி பெற்றதாக டி.ஆர்.டி.ஓ. தெரிவித்துள்ளது. மேலும், ஆகாஷ் பிரைம் ஏவுகணையை மேம்படுத்தி விமானத்தில் இருந்தும் பரிசோதிக்க உள்ளதக டி.ஆர்.டி.ஓ தெரிவித்துள்ளது.