பள்ளி மாணவர்களிடையே உடற்பயிற்சி மற்றும் விளையாட்டு விழிப்புணர்வை அதிகரிக்க செய்ய, பிரதமர் மோடி யோசனையில் உருவான ஒன்றுதான் ‘பிட் இந்தியா வினாடி வினா’ நிகழ்ச்சி. பிட் இந்தியா இயக்கத்தின் ஒரு பகுதியாக இது துவங்கப்பட்டது. இதில் 1 லட்சம் பள்ளிகளால் பரிந்துரைக்கப்பட்ட முதல் 2 லட்சம் மாணவர்கள், இப்போது நாடு தழுவிய இந்த வினாடி வினா நிகழ்ச்சிக்கு இலவசமாக பதிவு செய்யலாம் என்று அறிவித்துள்ளது இளைஞர் விவகாரங்கள் மற்றும் விளையாட்டு அமைச்சகம். இந்த வினாடி வினாவில் நாட்டின் ஒவ்வொரு மாநிலம், யூனியன் பிரதேசத்தில் இருந்தும் பிரதிநிதித்துவம் இருக்கும். ஒவ்வொரு பள்ளியும் இந்த வினாடி வினாவிற்கு அதிகபட்சம் 2 மாணவர்களை இலவசமாக பரிந்துரைக்கலாம். பிட் இந்தியா வினாடி வினாவில் பங்கேற்பதற்கான விவரங்களை அறிய https://fitindia.gov.in/fit-india-quiz என்ற இணையதளத்தை அணுகலாம்.