கேரள அரசு வெளியிட்டுள்ள செய்திக் குறிப்பில், ‘கடந்த 2020 மே மாதம் முதல், இந்த ஆண்டு மே மாதம் வரையிலான காலகட்டத்தில், கேரளாவில் இருந்து சுமார் 27 லட்சம் பேர் வெளிநாடுகளுக்கு பயண்ம் செய்துள்ளனர். அதில், 14,63,176 பேர், மீண்டும் கேரளாவுக்கு திரும்பி உள்ளனர். இவர்களில், 10 லட்சத்து 45 ஆயிரத்து 288 பேர் வெளிநாடுகளில் தங்கள் வேலைகளை இழந்ததால் ஊர் திரும்பி உள்ளனர். 2.90 லட்சம் பேர், முடிவுக்கு வந்த விசா உள்ளிட்ட காரணங்களால் நாடு திரும்பி உள்ளனர். இதில் 96 சதவீதம் பேர் ஐக்கிய அரபு எமிரேட்ஸ், சவுதி அரேபியா, கத்தார், ஓமன் உள்ளிட்ட நாடுகளில் இருந்து திரும்பி வந்தவர்கள்’ என தெரிவிக்கப்பட்டுள்ளது.